學生能自行選擇教學語言嗎？

李仔

遲下要用呢個題目黎做校內比賽
所以想問下大家意見...
小小愚見..不喜勿插...




我反對[中學生能自行選擇教學語言]
因為中學生的心智尚未成熟
難以自行分析應用什麼教學語言才可以增進學業成績
加上學生容易因一時失敗或未盡力而感到失敗
從而輕易選擇應為對自己容易既語言來學習
令自己選擇錯誤的語言
中學生應該咨詢長輩的意見及加以討論
再加以分析及查詢才可以選擇教學語言
否則只會踏上不歸路...

jkl123456

我都係因為用左中文教先唔識英文.
但係我估我用左英文教都係唔識中文.

leongkwam

香港有足夠資源令到中學生自行選擇教學語言嗎?
會唔會令到中學生對其他語言既認識更加低?(英文中學差唔多科科用英文教
令到外國同香港既接觸會減低?

壬生京二郎

咁有得自己揀既話都可以令成績好d

leongkwam

咁有得自己揀既話都可以令成績好d
壬生京二郎 發表於 4-4-2009 13:29

論證呢?
大部分良好既中學都係選用英文為教學語言
我就讀的那一間中學,以前也屬b1的(用英文教
家陣轉做中文
即刻變為b2
你認為
英文中學既意義...只係逼我地用英文?
nonono
其實係為左提升我地d英文能力
你英文幾差都好,你上到去,長時間對住英文,你英文自然會進步
而且香港係一個國際城市
學好英文係非常重要
要是d學生選擇左中文黎教....咁樣佢係咪可以略過左英文?
只著重其他科目?
但係英文教,你英文唔努力,其他科想努力都難
明未??


討論係需要
論點
論證
正反方
(唔記得有冇其他野

咒術師

論證呢?
大部分良好既中學都係選用英文為教學語言
我就讀的那一間中學,以前也屬b1的(用英文教
家陣轉做中文
即刻變為b2
你認為
英文中學既意義...只係逼我地用英文?
nonono
其實係為左提升我地d英文能力
你英文幾差 ...
leongkwam 發表於 4-4-2009 05:31

你講得冇錯
但睇黎你掉過頭睇

當用英文係教學語言既時候
會唔會就令學生略過中文?

但係英文教,你英文唔努力,其他科想努力都難
如果中文教,英文唔努力,其他科都重可以努力
凡事有兩面睇

正反方 論點 論據 論證 結論

leongkwam

你講得冇錯
但睇黎你掉過頭睇

當用英文係教學語言既時候
會唔會就令學生略過中文?

但係英文教,你英文唔努力,其他科想努力都難
如果中文教,英文唔努力,其他科都重可以努力
凡事有兩面睇

正反方 論點 論據 論證 結 ...
咒術師 發表於 4-4-2009 13:42

好中立既中立論點...
5體沒有投地=v=
暫時游水去補習...返黎再p過=v=

REQUIEM

我學校有得俾學生自己揀讀中文班定英文班
即使讀左英文班 讀唔掂都有得轉番中文讀-.-所以我覺得有得揀係好事黎-.-

迅雷先鋒

學生求學不單是學語言，更重要的是求知識
而使用母語無疑是吸收知識最有效既方法
就好似日本咁
日本冇強迫學生學好英文
反而將大部分教學時間投放係語文以外既科目
所以日本人知識水平高，科技又發達

有人話唔識英文冇競爭力
但係日本就唔會發生d咁既事
因為日本係靠翻譯黎保持自己既競爭力


不過非常可惜，呢度唔係日本，係香港
一個國際大都會
英文比一切都重要
商家睇準香港人識英文先黎投資
雇主睇你識英文先會請你
所以香港人唔識英文係唔得既

但英文唔係香港人既母語
而大部份既科目用英文教時就令學生學得冇咁明白
呢個亦都係缺點
想必然，英語教學會對學生既學習成果有所影響

要講學生應唔應該自行選擇教學語言，應先要知政府期望香港人要有可靈活運用既知識，定熟練既溝通能力

dirklaw

教學語言只係大眾要求學生要有的事,,自行選擇教學語言有咩問題